IMSMA Core ක්‍රියාත්මක කිරීම, 2024 ජූලි
IMSMA Core ක්‍රියාත්මක කිරීම, 2024 ජූලි IMSMA Core යනු භූගෝලීය තොරතුරු පද්ධති (GIS) මෘදුකාංගය මත ගොඩනැගුණු පද්ධතියක් වන අතර, එය ශ්‍රී ලංකාව ඇතුළු ජාතික බිම්බෝම්බ කාර්යය වැඩසටහන්වල නිශ්චිත මෙහෙයුම් සහ වාර්තාකරණ අවශ්‍යතා සපුරාලීම සඳහා සකස් කරන ලද නම්‍යශීලී මෙවලම් සහ ක්‍රියාවලි කට්ටලයක් සපයයි. 2024 ජූලි මාසයේදී, GICHD තොරතුරු කළමනාකරණ අංශය විසින් NMAC සහ බිම්බෝම්බ ඉවත්කිරීමේ මෙහෙයුම්කරුවන් සමඟ සහයෝගයෙන් IMSMA Core පාර්ශ්වකරුවන්ගේ වැඩමුළුවක් සංවිධානය කරන ලදී. මෙම වැඩමුළුවේ දී නව පද්ධතිය සම්පූර්ණයෙන් ඒකාබද්ධ කිරීම සඳහා අතිරේක ක්‍රියාවලි යාවත්කාලීන කිරීම කෙරෙහි අවධානය යොමු කර ඇත. මෙම සංක්‍රාන්තිය මගින් දැනට සිදුකෙරෙන සම්පූර්ණ කිරීමේ සමීක්ෂණය සහ පුද්ගල නාශක බිම්බෝම්බ තහනම් කිරීමේ සම්මුතිය (APMBC) යටතේ ශ්‍රී ලංකාවේ බිම්බෝම්බ ඉවත්කිරීමේ වගකීම් ඉටුකිරීමෙන් පසු අවශේෂ අවදානම් කළමනාකරණය සඳහා විශ්වාසනීය, පහසුවෙන් ප්‍රවේශ විය හැකි තොරතුරු ලබා ගැනීම සහතික කරනු ඇත. මෙම ක්‍රියාකාරකමට සහාය වීම වෙනුවෙන් අපි එක්සත් ජනපද රාජ්‍ය දෙපාර්තමේන්තුව දේශපාලන-හමුදා කටයුතු පිළිබඳ කාර්යාංශ (PM/WRA) වෙත අපගේ කෘතඥතාව පුදකර සිටිමු.
ශ්‍රී ලංකාවේ සම්පූර්ණ කිරීමේ මාවතට සහාය වීම: GICHD හි වැඩමුළු, 2024 ජූනි
ශ්‍රී ලංකාවේ සම්පූර්ණ කිරීමේ මාවතට සහාය වීම: GICHD හි වැඩමුළු, 2024 ජූනි ශ්‍රී ලංකාවේ බිම්බෝම්බ ඉවත් කිරීමේ උපාය මාර්ගය ක්‍රියාවට නැංවීමේ දී ශ්‍රී ලංකාවට සහය වීමේ අඛණ්ඩ උත්සාහයේ කොටසක් ලෙස, ජිනීවා ජාත්‍යන්තර මානුෂීය බිම්බෝම්බ ඉවත් කිරීමේ මධ්‍යස්ථානය (GICHD) 2024 ජූනි මාසයේදී ප්‍රධාන වැඩමුළු තුනකට පහසුකම් සලසා ඇත: සම්පූර්ණ කිරීමේ සමීක්ෂණ තොග-ලබා ගැනීමේ වැඩමුළුව, කිලිනොච්චිය, උතුරු පළාත, ශ්‍රී ලංකාව. මෙම වැඩමුළුව මගින් සම්පූර්ණ කිරීමේ සමීක්ෂණය සහ උපකාරක තොරතුරු කළමනාකරණ පද්ධතිය සමාලෝචනය කිරීම කෙරෙහි අවධානය යොමු කරන ලදී. මෙම ක්‍රියාවලිය මගින් කලින් නොදන්නා බිම්බෝම්බ වලින් දූෂ්‍යකරණයට ලක්වූ ප්‍රදේශ පිළිබඳ පැහැදිලි චිත්‍රයක් සපයා ඇති අතර, ශ්‍රී ලංකාවට බිම්බෝම්බ ඉවත්කිරීමේ සිය අනාගත කටයුතු වඩාත් නිරවද්‍යතාවයෙන් සහ නිශ්චිතව සැලසුම් කිරීමට හැකියාව ලබාදේ. . ජාතික බිම් බෝම්බ කාර්යය ප්‍රමිති (NMAS) සමාලෝචනය, කිලිනොච්චිය, උතුරු පළාත, ශ්‍රී ලංකාව. සහයෝගී ප්‍රයත්නයක් ලෙස, මෙම වැඩමුළුවේදී ප්‍රධාන NMAS තුනක් සමාලෝචනය කෙරිණි: ඉඩම් නිදහස් කිරීම, තාක්ෂණික නොවන සමීක්ෂණ, සහ තත්ත්ව කළමනාකරණය. මෙම යාවත්කාලීනයන් අපගේ බිම්බෝම්බ ක්‍රියාකාරී මෙහෙයුම්වල අනුකූලතාව, කාර්යක්ෂමතාව සහ සඵලතාවය වැඩි දියුණු කිරීමට සකසා ඇත. සම්පූර්ණ කිරීමේ අවස්ථා සැලසුම් වැඩමුළුව – කොළඹ, බස්නාහිර පළාත, ශ්‍රී ලංකාව. GICHD සහ බිම්බෝම්බ පිළිබඳ ක්‍රියාකාරී ජාතික මධ්‍යස්ථානය (NMAC), බිම් බෝම්බ මෙහෙයුම්කරුවන් සමඟ සහයෝගීව, ශ්‍රී ලංකාව සිය පුද්ගලනාශක බිම්බෝම්බ තහනම් කිරීමේ සම්මුතියේ (APMBC) 5 වැනි වගන්තියේ වගකීම් සම්පූර්ණ කිරීම පිළිබඳව සාකච්ඡා කිරීම සඳහා අවස්ථා සැලසුම් කිරීමේ වැඩමුළුවක් පවත්වන ලදී. 2023 සහ 2024 දී කලින් හඳුනා නොගත් බිම්බෝම්බ වලින් දූෂ්‍යකරණයට ලක්වූ ප්‍රදේශ සොයා ගැනීමත් සමඟ, ශ්‍රී ලංකාවේ දූෂ්‍යකරණ මට්ටම ඉහළ ගිය අතර, එය සම්පූර්ණ කිරීමේ කාල සීමාවට බලපානු ලබයි. මෙම වැඩමුළුවේදී ඉතිරිව ඇති බිම්බෝම්බ දූෂ්‍යකරණයන් පිළිබඳව සලකා බලන අතරම විවිධ අරමුදල් මට්ටම්, එනම් අරමුදල් වැඩි කිරීම, තිරසාර කිරීම හෝ අඩු කිරීම මත පදනම් වූ විභව අවස්ථා තුනක් ගවේෂණය කරන ලදී. ශ්‍රී ලංකා රජය, ජාත්‍යන්තර ආධාර ප්‍රදයකයින් සහ බිම්බෝම්බ කාර්යය පාර්ශවකරුවන් අතර විනිවිද පෙනෙන, සාක්ෂි පදනම් කරගත් සංවාදයක් ඇති කිරීම මෙහි අරමුණ විය. බිම්බෝම්බවලින් තොර ශ්‍රී ලංකාවක් වෙනුවෙන් අඛණ්ඩ ප්‍රගතියක් සහතික කිරීම සඳහා මෙහිදී ලබා ගන්නා පරිඥානය පුළුල් සම්පත් රැස් කිරීමේ උපාය මාර්ගයක් දැනුවත් කෙරෙනු ඇත. මෙම ක්‍රියාකාරකම් සිදු කිරීම සඳහා තම නොමසුරු සහයෝගය ලබාදීම සම්බන්ධයෙන් එක්සත් ජනපද රාජ්‍ය දෙපාර්තමේන්තුව දේශපාලන-හමුදා කටයුතු පිළිබඳ කාර්යාංශයට (PM/WRA) සහ ජර්මානු ෆෙඩරල් විදේශ කාර්යාලයට (GFFO) GICHD සහ NMAC විසින් සිය ස්තූතිය පුදකෙරේ. වැඩමුළුවල සාර්ථකත්වය උදෙසා ඉතා අගනා සහයෝගීතාවයක් සහ විශේෂඥභාවයක් ලබාදුන් MAG, HALO Trust, DASH, SHARP ආයතනයන්හි නියෝජිතයන් සහ ශ්‍රී ලංකා යුද හමුදාවේ මානුෂීය බිම්බෝම්බ ඉවත් කිරීමේ ඒකකය (HDU) ඇතුළුව, සහභාගී වූ සියලුම දෙනාට අපගේ හද පිරි ස්තුතිය පුදකර සිටිමු.
කිලිනොච්චියේ පැවැති බිම්බෝම්බ පිළිබඳ දැනුවත් කිරීමේ ජාත්‍යන්තර දිනය
කිලිනොච්චියේ පැවැති බිම්බෝම්බ පිළිබඳ දැනුවත් කිරීමේ ජාත්‍යන්තර දිනය බිම්බෝම්බ පිළිබඳ දැනුවත් කිරීමේ ජාත්‍යන්තර දිනය සැමරීම පිණිස, බිම්බෝම්බ පිළිබඳ ජාතික ක්‍රියාකාරී මධ්‍යස්ථානය MAG, HALO, DASH, SHARP යන ආයතන සහ ශ්‍රී ලංකා යුධ හමුදා මානුෂීය බිම්බෝම්බ ඉවත්කිරීමේ ඒකකය අප්‍රේල් 6 වනදා කිලිනොච්චි මහජන ක්‍රීඩාංගනයේදී සුහද ක්‍රිකට් තරඟයකට සහභාගි විය. (වැඩි විස්තර කියවන්න) බිම් බෝම්බ සහ ඒවා තුරන් කිරීමට දරන උත්සාහයන් පිළිබඳව දැනුවත් කිරීම සඳහා මෙම දිනය වෙන් කර ඇත. නාගරික සංවර්ධන හා නිවාස අමාත්‍ය ගරු. ප්‍රසන්න රණතුංග මහතා සහ ධීවර අමාත්‍ය ගරු. ඩග්ලස් දේවානන්ද මහතා මෙම උත්සවය සමාරම්භ කරන ලදී. සිවිල් වැසියන්ට සහ බිම්බෝම්බ ඉවත් කිරීමේ ක්‍රියාකාරී සංවිධානවල කාර්ය මණ්ඩලයට සිය සහයෝගය දැක්වීම සඳහා අනෙකුත් සංවිධානවල නියෝජිතයන්, උතුරු පළාත් ආණ්ඩුකාර පී.එස්.එම්. චාල්ස් මිය සහ රජයේ ජ්‍යෙෂ්ඨ නියෝජිතයින් මෙම අවස්ථාවට සහභාගී වූහ. මෙම උත්සවයට සමගාමීවථ අප්‍රේල් 06 වැනි දින යුද්ධයෙන් ශේෂ වූ අවි ආයුධවල අන්තරාදායකබව සහ එවැනි නොදන්නා යමක් වැරදිමකින් හෝ යමෙකුට හමුවුවහොත් ගත හැකි හොඳම ක්‍රියාමාර්ග පිළිබච දැනුවත්භාවය ඇති කිරීම පිණිස පුපුරනසුළු ආයුධ අවදානම් අධ්‍යාපන සැසියක් කිලිනොච්චි නගරයේදී පවත්වන ලදී. පින්තූර බලන්න – කිලිනොච්චියේ පැවැති බිම්බෝම්බ පිළිබඳ දැනුවත් කිරීමේ ජාත්‍යන්තර දිනය