රැස්කර ගත් සියලු පුද්ගලනාශක බිම්බෝම්බ විනාශ කිරීමට බැඳීමක් පැවැතිය ද, බිම්බෝම්බ අනාවරණය කර ගැනීමේ, බිම්බෝම්බ ඉවත් කිරීමේ, බිම්බෝම්බ නිශ්ක්‍රීය කිරීමේ හෝ බිම්බෝම්බ විනාශ කිරීමේ ශිල්පීය ක්‍රම සකස් කිරීමේ කාර්යය සඳහා සම්පූර්ණයෙන්ම අවශ්‍ය වන අවම පුද්ගලනාශක බිම්බෝම්බ සංඛ්‍යාවක් රඳවා තබා ගැනීමට සම්මුතිය අවසර දෙයි. තම ප්‍රථම පාරදෘශ්‍යතා වාර්තාවේ, මෙම කාර්යයන් සඳහා පුද්ගලනාශක බිම්බෝම්බ 21,153 රඳවා තබා ගත් බව ශ්‍රී ලංකාව වාර්තා කර තිබේ.

සිය පළමු පාරදෘශ්‍යතා වාර්තාවේ, පුද්ගලනාශක බිම්බෝම්බ ස්ථානගත කර ඇති බවට දන්නා හෝ සැක කරනු ලබන තම අධිකරණ බලය හෝ පාලනය යටතේ පවතින ප්‍රදේශ ශ්‍රී ලංකාව වාර්තා කරන ලදී. සම්මුතියේ 5 වන වගන්තිය ප්‍රකාරව, හැකිතාක් ඉක්මණින් නමුත් 2028 ජූනි 1 නොඉක්මවන දිනයක මෙම ප්‍රදේශවල ඇති සියලු පුද්ගලනාශක බිම්බෝම්බ විනාශ කිරීමට හෝ විනාශ කිරීම සහතික කිරිමට ශ්‍රී ලංකාව ප්‍රතිඥා දෙන ලදී.

වාර්ෂිකව සහ සෑම වසරකම අප්‍රේල් 30 ඉක්මවීමට පෙර, එක් එක් රාජ්‍ය පාර්ශවය පෙර ලිත් වර්ෂය ආවරණය කරමින් තොරතුරු යාවත්කාලීන කළ යුතුය. 7 වන වගන්තිය යටතේ ඉදිරිපත් කර ඇති නවතම වාර්තා පහත දැක්වෙන නිල වෙබ් පිටුවෙන් ලබා ගත හැක.