1. ඉඩම් නිදහස් කිරීම සහ පිපිරුම් යුද්ධෝපකරණ අවදානම් අධ්‍යාපනය
- සුරක්ෂිත ඉඩම් නිදහස් කිරීම සහ අන්තර්කරණ පිපිරුම් යුද්ධෝපකරණ අවදානම් අධ්‍යාපන ක්‍රියාකාරකම් ක්‍රියාත්මක කිරීම මගින් සම්පූර්ණ කිරීම සිදුවන අතර තිරසර සංවර්ධනය සඳහා පහසුකම් සැලසේ.
බිම්බෝම්බ ඉවත් කිරීම සම්පූර්ණ කිරීමේ ශ්‍රී ලංකා ජාතික උපායමාර්ගය 2023 - 2027
කරුණාකර සම්පූර්ණ ලේඛනය බාගත කරගන්න.
ජිනීවා ජාත්‍යන්තර මානුෂීය බිම්බෝම්බ ඉවත් කිරීමේ මධ්‍යස්ථානයේ සහයෝගයෙන් බිම්බෝම්බ පිළිබඳ ක්‍රියාකාරී ජාතික මධ්‍යස්ථානය විසින් සම්පාදනය කරන ලද බිම් බෝම්බ කාර්යය සම්පූර්ණ කිරීමේ ශ්‍රී ලංකා ජාතික උපායමාර්ගය, 2023 සිට 2027 දක්වා වන බිම්බෝම්බ ඉවත් කිරීමේ ජාතික ක්‍රියාකාරී වැඩසටහනේ උපායමාර්ගික දිශානතිය ඉදිරිපත් කරයි.
තිරසර සංවර්ධන ඉලක්කවලට අනුකූලව පුද්ගලනාශක බිම්බෝම්බ තහනම් කිරීමේ සම්මුතිය, පොකුරු අවි පිළිබඳ සම්මුතිය, ආබාධ සහිත තැනැත්තන්ගේ අයිතිවාසිකම් පිළිබඳ සම්මුතිය සහ ඇතැම් සම්ප්‍රදායික අවි පිළිබඳ සම්මුතිය යන සම්මුති යටතේ ශ්‍රී ලංකාවේ අන්තර්ජාතික සම්මුති බැඳීම් ක්‍රියාවට නැංවීමේ එහි කැපවීම එය ශක්තිමත් කරයි.
උපාය මාර්ගික අභිමතාර්ථ
අවදානම් සහ අවම කිරීමේ ක්‍රියාමාර්ග
2. සම්බන්ධීකරණය සහ ජාතික හිමිකාරිත්වය
ශක්තිමත් කරන ලද සම්බන්ධීකරණය සහ ජාතික හිමිකාරිත්වය වඩා ඉහළ දැනුවත්භාවයක්, වඩා වැඩි පාරදාශ්‍යභාවයක් සහ වඩා ඉහළ නැංවුණු සහයෝගිතාවයක් ඇති කරයි.
3. ශේෂ දූෂ්‍යකරණය කළමනාකරණය
වඩා සුරක්ෂිත ප්‍රජාවන් සහතික කරමින් තිරසර ජාතික ව්‍යුහයන් සහිතව පිපිරුම් යුද්ධෝපකරණ ශේෂ දූෂ්‍යකරණය සඵලව කළමනාකරණය කරනු ලබයි
4. කාර්ය මණ්ඩල සංක්‍රාන්තිය
ශ්‍රී ලංකාවේ කාර්ය මණ්ඩල සංක්‍රාන්තිය විකල්ප ආර්ථික ක්‍රියාකාරකම් වෙත ප්‍රවේශ වීමට පහසුකම් සපයන අතර සුරක්ෂිත සහ තිරසර ජීවනෝපාය ක්‍රියාකාරකම් ප්‍රවර්ධනය කරයි
ශ්‍රි ලංකාවේ දේශපාලන සහ මූල්‍ය අර්බුදය
පාරදෘශ්‍යභාවය සහ අඛණ්ඩ සන්නිවේදනය සහතික කරමින් අභියෝග සහ මෙහෙයුම් ක්‍රියාකාරකම් අඩුකිරීම පිළිබඳව ජාත්‍යන්තර ආධාර ප්‍රදායකයන්ට දැනුම් දීම.
අඩුවූ ජාත්‍යන්තර ආධාර ප්‍රදායක අරමුදල්
බිම්බෝම්බ ඉවත් කිරීමේ ජාතික උපාය මාර්ගය - උපාය මාර්ගික ප්‍රමුඛතා පිළිබඳ පැහැදිළිබව
පැහැදිළි ඉලක්ක ඉදිරිපත් කරන සම්පත් ඒකරාශි කිරීමේ උපාය මාර්ගය
NMAC, RMAO සහ SLA HDU සඳහා ප්‍රමාණවත් අරමුදල් නොමැති වීම
තම වගකීම් ඉටුකිරීම පිණිස NMAC, RMAO සහ SLA HDU සතුව අවශ්‍ය සියලු සම්පත් ඇති බව සහතික කිරීම පිණිස භාණ්ඩාගාරය වෙත කරුණු දැක්වීම.
බිම්බෝම්බ ඉවත් කිරීමේ ජාතික ක්‍රියාකාරී සැලැස්ම - උපාය මාර්ගික ප්‍රමුඛතා පිළිබඳ පැහැදිළිබව.
සීමිත සම්බන්ධීකරණය සහ සන්නිවේදනය
බිම්බෝම්බ ඉවත් කිරීම පිළිබඳව ශ්‍රී ලංකාවේ නව ජාතික ක්‍රියාකාරී සැලැස්ම
ශක්තිමත් කරන ලද සම්බන්ධීකරණය සහ සන්නිවේදනය සඳහා කැපවීම
වසංගතය
පවතින තත්ත්වයට හැඩ ගැසී පසුගිය වසර දෙකින් උගත් පාඩම් සහ යහපත් පරිචයන්ගෙන් නිසි ඵල ලබා ගැනීම.
ආංශික වසංගත මාර්ගෝපදේශ
සීමිත රැකියා සහ ව්‍යවසායකත්ව අවස්ථා
වෙනස්වන තත්ත්වයන්ට සහ සංදර්භයට ගැලපෙන ලෙස කාර්ය මණ්ඩල සංක්‍රාන්ති මැදිහත්වීම් සකස් කර ගනිමින් විධිමත් පදනමකින් ශ්‍රම වෙළඳපොළ සහ ආර්ථික අපේක්ෂාවන් අධීක්ෂණය කිරිම; අභියෝග සහ බාහිර බාධා පිළිබද ජාත්‍යන්තර ආධාර ප්‍රදායකයන් දැනුවත් කිරීම
උපාය මාර්ගික අරමුණ 1: ඉඩම් නිදහස් කිරීම සහ පිපිරුම් යුද්ධෝපකරණ අවදානම අධ්‍යාපනය
බිම්බෝම්බ පිළිබඳ ක්‍රියාකාරී ජාතික මධ්‍යස්ථානය (NMAC) සහ ශ්‍රී ලංකා යුද හමුදා මානුෂීය බිම් බෝම්බ ඉවත් කිරීමේ ඒකකය (SLA HDU) ශ්‍රී ලංකා රජයෙන් සහ ජාත්‍යන්තර ආධාර ප්‍රදායකයන් කිහිප දෙනෙකුගෙන් අරමුදල් සපයා ගනිමින් පිපිරුම් යුද්ධෝපකරණ හඳුනා ගැනීම හා ඉවත් කිරීම සහ බිම්බෝම්බ පිළිබඳ අන්තර්ජාතික ක්‍රියාකාරී ප්‍රමිතිවලට අනුකූලව පිපිරුම් යුද්ධෝපකරණ අවදානම් අධ්‍යාපනය ලබා දීම පිණිස දේශීය පාර්ශවකරුවන් වන සමාජ සංහිඳියාව සඳහා ඩෙල්වොන් සහාය ආයතනය (DASH) සහ ස්කැවිතා මානුෂීය සහය සහ සහන ව්‍යාපෘතිය (SHARP) සහ ජාත්‍යන්තර පාර්ශවකරුවන් වන හේලෝ භාරය (Halo Trust) සහ මයින් ඇඩ්වසරි ගෘප් (MAG) සමග සමීපව කටයුතු කරයි. පුද්ගලනාශක බිම්බෝම්බ තහනම් කිරීමේ සම්මුතියට 2017 වසරේදී ශ්‍රී ලංකාව එකඟවීම සහ 5 වන වගන්තියේ බැඳීම්වලට අනුකූලව, 2028 ජූනි 1 වැනි දින වන විට බිම්බෝම්බ වැළලූ සියලු ප්‍රදේශ හඳුනා ගැනීමට සහ එම බිම්බෝම්බ ඉවත් කිරීමට ශ්‍රී ලංකාව කැපවී සිටී
උපාය මාර්ගික අරමුණ 2: සම්බන්ධීකරණ සහ ජාතික හිමිකාරීත්වය
බිම්බෝම්බ ඉවත් කිරීමේ ශ්‍රී ලංකා ජාතික ව්‍යුහයන්ට ඒවායේ විධිනියෝගය සඵලව ක්‍රියාවට නැංවීමට හැකිවනු පිණිස ඒවාට ප්‍රමාණවත්ව උපකරණ සහ සම්පත් සපයා ඇති බව සහතික කිරීම මගින් සිය බිම්බෝම්බ ඉවත් කිරීමේ වැඩසටහන පිළිබද ශක්තිමත් ජාතික හිමිකාරිත්වයක් ආදර්ශනය කිරීම ශ්‍රී ලංකාව අඛණ්ඩව සිදු කරනු ඇත.
ශ්‍රී ලංකා රජයේ නියෝජිතයන්, ජාත්‍යන්තර ආධාර ප්‍රදායකයන්, මෙහෙයුම්කරුවන් සහ අනෙකුත් පාර්ශවකරුවන් සමග විධිමත් සහ ව්‍යුහගත සම්බන්ධීකරණය සහ පාරදෘශ්‍ය තොරතුරු බෙදාහදා ගැනීම සහතික කිරීම පිණිස බිම්බෝම්බ පිළිබඳ ක්‍රියාකාරී ජාතික මධ්‍යස්ථානය කැපවී සිටින අතර පාර්ශවකරුවන් සමග සමීප සහයෝගිතාවයෙන් යුතුව ද්විවාර්ෂික සම්බන්ධීකරණ රැස්වීම් සංවිධානය කරනු ඇත.
පුද්ගලනාශක බිම්බෝම්බ තහනම් කිරීමේ සම්මුතිය, පොකුරු අවි පිළිබඳ සම්මුතිය සහ ආබාධ සහිත පුද්ගලයන්ගේ අයිතිවාසිකම් පිළිබඳ සම්මුතිය යන සම්මුතිවල රාජ්‍ය පාර්ශවකරුවකු ලෙස, ශ්‍රී ලංකාවේ බිම්බෝම්බ ඉවත් කිරීමේ වැඩසටහන තොරතුරු කළමනාකරණය, සම්බන්ධීකරණය සහ දැනුවත්භාවය ඇති කිරිම ආශ්‍රිත උපාය මාර්ගික වින්දිත සහය අභියෝග සම්බන්ධයෙන් කටයුතු කිරීමට බැඳී සිටියි.
ශ්‍රී ලංකා රජය සහ ජාත්‍යන්තර පාර්ශවකරුවන් ඉලක්ක කරමින් සම්පත් ඒකරාශී කිරීම අඛණ්ඩ ප්‍රයත්නයක් වනු ඇත. ශ්‍රී ලංකා බිම්බෝම්බ ඉවත් කිරීමේ වැඩසටහන ශ්‍රී ලංකා රජයෙන් ලැබෙන අරමුදල් ඉහළ නංවා ගැනීමටත් එහි ජාත්‍යන්තර ආධාර ප්‍රදායක පදනම පුළුල් කර ගැනීමටත් අරමුදල් ලබා ගැනීමේ අනෙකුත් මූලාශ්‍ර පිළිබඳව සොයා බැලීමටත් උත්සාහ දරනු ඇත.
උපාය මාර්ගික අරමුණ 3: ශේෂ දූෂ්‍යකරණය කළමනාකරණය
හදුනාගත් පිපිරුම් යුද්ධෝපකරණ මගින් සිදුවන අපවිත්‍රනය පූර්ව ක්‍රියාකාරීව සමීක්ෂණය කිරීමේ සහ ඉවත් කිරීමේ සිට වාර්තා වූ ශේෂ දූෂ්‍යකරණයට ප්‍රතික්‍රියාකාරීව ප්‍රතිචාර දැක්වීම දක්වා 2027 වසර අවසානය වන විට සංක්‍රමණය වනු ඇත. අදියරගත ක්‍රියාවලියක් මගින්, ශ්‍රී ලංකා යුද හමුදා මානුෂීය බිම් බෝම්බ ඉවත් කිරීමේ ඒකකයට සිය වගකීම් ඉටු කිරීමට හැකිවනු පිණිස, උචිත පරිදි උපකරණ සපයා ඇති බවට, කාර්ය මණ්ඩලය යොදවා ඇති බවට සහ ප්‍රමාණවත් පරිදි සම්පත් සපයා ඇති බවට ශ්‍රී ලංකා රජය සහතික වනු ඇත. ශේෂ සංදර්භයක් කරා යොමුවන මෙම සංක්‍රමණ ක්‍රියාවලියේ කොටසක් ලෙස, බිම්බෝම්බ ඉවත් කිරීමේ තොරතුරු (කළින් සමීක්ෂණය කොට බිම්බෝම්බ ඉවත් කළ ප්‍රදේශ, පිපිරුම් යුද්ධෝපකරණ වලින් අනතුරු සිදුවූ ස්ථාන ආදී) වෙත පහසුවෙන් ප්‍රවේශ විය හැකි බව සහ අනාගත ශේෂ පිපිරුම් යුද්ධෝපකරණ දූෂ්‍යකරණ දත්ත රැස් කොට ගබඩා කළ හැකි බව සහතික කිරීම ද වැදගත් වනු ඇත. පිපිරුම් යුද්ධෝපකරණ ඉවත් කිරීම සඳහා වන ඉල්ලීම්වල දී ශ්‍රී ලංකා පොලීසියේ විශේෂ කාර්ය බලකාය වැදගත් කාර්ය භාරයක් ඉටු කරනු ඇත. ආරක්ෂිත චර්යාවන් ප්‍රවර්ධනය කිරීම සහ පිපිරුම් යුද්ධෝපකරණ මගින් සිදුවිය හැකි අනාගත අනතුරු අවම කිරීම පිණිස තිරසර පිපිරුම් යුද්ධෝපකරණ අවදානම් අධ්‍යාපන ව්‍යුහයන් අඛණ්ඩව ශක්තිමත් කරනු ලබන බවට ද ශ්‍රී ලංකාව වග බලා ගනු ඇත.
උපාය මාර්ගික අරමුණ 4: කාර්ය මණ්ඩල සංක්‍රාන්තිය
බිම්බෝම්බ ඉවත් කිරිමේ ශ්‍රී ලංකා වැඩසටහන තුළ, 3000 කට අධික කාන්තා සහ පිරිමි බිම්බෝම්බ ඉවත් කිරීමේ කාර්ය මණ්ඩලයක් සේවයේ යොදවා ඇත. 2027 වන විට මෙම ක්‍රියාවලිය සම්පූර්ණ වේ යැයි අපේක්ෂා කරන බැවින්, යෝග්‍ය සහ තිරසාර කාර්ය මණ්ඩල සංක්‍රාන්ති ක්‍රියාදාමයක් පවතින බව සහතික කිරීමේ වැදගත්කම ඉහළ යමින් පවතී. මෙම පසුබිම තුළ, මයින් ඇඩ්වසරි ගෘප් (MAG) හි බිම්බෝම්බ නිෂ්කාශනය කිරීමේ කාර්ය මණ්ඩලය තව දුරටත් අවශ්‍ය නොවන විට විකල්ප ආර්ථික ක්‍රියාකාරකම් වෙත සංක්‍රමණය වීමට සහාය වීම සහ බිම්බෝම්බ නිෂ්කාශනය කිරීමේ කාර්ය මණ්ඩලය ශ්‍රී ලංකාවේ නව ජාතික බිම්බෝම්බ කාර්යය උපායමාර්ගයට ඇතුළත් කිරීමට සහාය වීම සඳහා, 2020-2021 දී නිපුණතා අත්පත් කර ගැනීම සහ බිම්බෝම්බ ඉවත් කිරීමෙන් පසු ජීවනෝපාය සංක්‍රාන්ති උපාය මාර්ගයක් සංවර්ධනය කිරීමට MAG මූලිකත්වය ගනු ලැබීය. DASH, SHARP, HALO සහ GICHD හි නියෝජිතයින් උපදේශක කමිටුවේ සාමාජිකයින් වූ අතර සංක්‍රාන්ති උපායමාර්ගය සංවර්ධනය කිරීමේ ක්‍රියාවලියට NMAC සක්‍රීයව සහභාගි විය.
මෙම උපායමාර්ගික අභිමතාර්ථය, මයින් ඇඩ්වසරි ගෘප් විසින් දැනටමත් සකස් කර ඇති කාර්යමණ්ඩල සංක්‍රාන්ති උපාය මාර්ගයෙන් සහ එය ඉදිරිපත් කරන අදියරගත ක්‍රියාදාමයෙන් බොහෝ දෑ ලබා ගෙන ඇත. කාර්ය මණ්ඩල සංක්‍රාන්ති ක්‍රියාදාමය ප්‍රධාන අදියර තුනක් වටා ව්‍යුහගත කර ඇත.
කාර්ය මණ්ඩලය ඉහළ ඉල්ලුමක් ඇති විකල්ප රැකියා කරා සඵලදායීව සංක්‍රමණය වන තෙක් ඔවුන්ගේ අභිප්‍රේරණය සහ අත්‍යාවශ්‍ය කුසලතා අභිවර්ධනය පිණිස මැදිහත්වීම් සිදු කිරීම.
කාර්ය මණ්ඩලය ඉවත් කිරීම ඉහළ නැංවීමේ අදියරට පෙර ක්ෂේත්‍ර පරීක්ෂා කිරීම, අධීක්ෂණය කිරීම සහ ගැලපුම් කිරීම පිණිස තවදුරටත් අවශ්‍ය නොවන කාර්ය මණ්ඩලයේ සීමිත සංඛ්‍යාවක් සමග ස්වේච්ඡා අතිරික්තතා වැඩසටහනක් නියමු වැඩසටහනක් ලෙස ක්‍රියාවට නැංවීම.
නියමු වැඩසටහනෙන් උගත් පාඩම් අන්තර්ගත කරමින් වාර්ෂික ඉලක්කයක් මත පාදකව කාර්ය මණ්ඩල අතිරික්තතා වැඩසටහන ප්‍රමාණාත්මකව වැඩි කිරීම.
විකල්ප, තිරසාර ආර්ථික ක්‍රියාකාරකම් කරා බිම්බෝම්බ ඉවත් කරන්නන් සුමටව සංක්‍රමණය වීම බිම්බෝම්බ පිළිබඳ ක්‍රියාකාරී ජාතික මධ්‍යස්ථානය පෙරටුව තබා ගනිමින් ශ්‍රී ලංකා රජය ප්‍රවර්ධනය කරනු ඇත.