இலங்கை வினைத்திறன் மிக்க வகையில் அவர்களின் பணிப்பாணையை நிறைவேற்றுவதற்கு அதன் தேசிய கண்ணிவெடி செயற்பாட்டு கட்டமைப்புக்கு போதியளவு வளங்களையும் உபகரணங்களையும் கொண்டுள்ளது என்பதை உறுதிப்படுத்துவது உட்பட, அதன் கண்ணிவெடி செயற்பாட்டு நிகழ்ச்சித்திட்டத்தின் தேசிய உரிமையாண்மையை தொடர்ச்சியாக எடுத்துக்காட்டும்.

NMAC ஒழுங்கான மற்றும் கட்டமைக்கப்பட்ட இணைப்பாக்கத்தையும் இலங்கை அரசாங்க பிரதிநிதிகள், சர்வதேச நன்கொடை வழங்குநர்கள், செயற்பாட்டாளர்கள் மற்றும் ஏனைய பங்காளர்கள் ஆகியோருடன் வெளிப்படைத் தன்மையுடன் தகவல்களைப் பகிர்ந்துகொள்ளுவதற்கும் தன்னை ஈடுபடுத்திக் கொண்டுள்ளது. அத்துடன், பங்காளர்களுடன் கூட்டாக ஆண்டுக்கு இருமுறை இணைப்பாக்க கூட்டங்களை ஒழுங்கு செய்கிறது.

APMBC, CCM மற்றும் CRPD என்பவற்றுக்கான அரச தரப்பு என்ற வகையில் தகவல் முகாமைத்துவம், இணைப்பாக்கம் மற்றும் விழிப்புணர்வை வளர்த்தல் என்பவற்றுடன் சம்பந்தப்பட்ட பாதிக்கப்பட்டவர்களுக்கு உதவும் (VA) மூலோபாய சவால்களை அணுகுவதற்கு இலங்கையின் கண்ணிவெடி செயற்பாட்டு நிகழ்ச்சித்திட்டம் தன்னை அர்ப்பணித்துக் கொண்டுள்ளது.

இலங்கை அரசாங்கத்தையும் சர்வதேச நன்கொடை பங்காளர்களையும் இலக்காகக் கொண்டு வளங்களைத் திரட்டும் முயற்சிகள் தொடர்ச்சியாக நடைபெறும். இலங்கையின் கண்ணிவெடி செயற்பாட்டு நிகழ்ச்சித்திட்டம் இலங்கை அரசாங்கத்திடமிருந்து பெறும் நிதியுதவியை அதிகரித்துக்கொள்ளுவதற்கும், அதன் சர்வதேச நன்கொடை உதவியை விரிவாக்கிக்கொள்ளுவதற்கும் ஏனைய நிதி வழங்கும் மூலங்களைக் கண்டறிவதற்கும் வாய்ப்புகளைத் தேடும்.